'O paese d' 'o sole
Ogge sto' tanto allero,
ca quase quase me mettesse a chiagnere
pe 'sta felicità.
Ma è overo o nunn'è overo,
ca so' turnato a Napule?
Ma è overo ca sto' cca?
'O treno steva ancora 'int' â stazzione,
quanno aggio 'ntiso 'e primme manduline.
Chist'è 'o paese d' 'o sole,
chist'è 'o paese d' 'o mare,
chist'è 'o paese addó tutt' 'e pparole,
so' doce e so' amare,
so' sempe parole d'ammore!
'Sta casa piccerella,
'sta casarella mia 'ncopp'a Posillico, luntano
chi t' 'a dà,
'sta casa puverella, tutta addurosa (e) nepeta, se putarria pittà,
accà 'nu giardiniello sempe 'nfiore e de rimpetto 'o mare, sulo mare:
Chist'è 'o paese d' 'o sole,
chist'è 'o paese d' 'o mare,
chist'è 'o paese addó tutt' 'e pparole
so' doce e so' amare,
so' sempe parole d'ammore!
Tutto, tutto è destino!
Comme putevo fà furtuna all'estero
s'io voglio campà cca?
Mettite 'nfrisco 'o vino!
Tanto ne voglio vévere,
ca mm'aggia 'mbriacà.
Dint'a sti qquatto mure io sto' cuntento,
mamma mme sta vicino e nénna canta:
Chist'è 'o paese d' 'o sole,
chist'è 'o paese d' 'o mare, mi
chist'è 'o paese addó tutt' 'e pparole
so' doce e so' amare,
so' sempe parole d'ammore!
Libero Bovio
Nessun commento:
Posta un commento
I commenti sono in moderazione e sono pubblicati prima possibile. Si prega di non inserire collegamenti attivi, altrimenti saranno eliminati. L'opinione dei lettori è l'anima dei blog e ringrazio tutti per la partecipazione. Vi ricordo, prima di lasciare qualche commento, di leggere attentamente la privacy policy. Ricordatevi che lasciando un commento nel modulo, il vostro username resterà inserito nella pagina web e sarà cliccabile, inoltre potrà portare al vostro profilo a seconda della impostazione che si è scelta.