A serenata 'e Pulicenella
E stò aspettanno cu ‘stu mandulino
Ll’ora che, ‘a cielo, se ne trase ‘a luna.
Mme sò nascosto dint’a ‘nu ciardino,
Pe’ nun ‘o ffà assapè
Ca sò semp’io ca cerco scusa a te.
Te voglio tantu bbene.
Te voglio tantu bbene.
T’ ‘o ddico zittu, zittu,
Zittu, zitto,
Ca, si allucco, ‘a gente
Ca nun sape niente,
Pò sentì:
“Te voglio bbene”.
Mme metto scuorno ‘e fà sapè a ll’amice
Ca tinco tinco torno e faccio pace.
Si ‘appura ‘a gente, Napule che dice?
Ca mm’ ‘e vvoglio fà fà
Sott’a chist’uocchie cierti ‘nfamità?!
Te voglio tantu bbene.
Te voglio tantu bbene.
T’ ‘o ddico zittu, zittu,
Zittu, zitto,
Ca, si allucco, ‘a gente
Ca nun sape niente,
Pò sentì:
“Te voglio bbene”.
‘Na vota ero ‘o cchiù guappo ‘e ll’Arenella,
Tenevo ‘nnammurate a mille a mille,
E mo mme faje chiammà Pulecenella.
Ma tu ce pienze o no,
Ch’ero ‘nu guappo, guappo overo? E mo…
Te voglio tantu bbene.
Te voglio tantu bbene.
T’ ‘o ddico zittu, zittu,
Zittu, zitto,
Ca, si allucco, ‘a gente
Ca nun sape niente,
Pò sentì:
“Te voglio bbene”.
Libero Bovio
Nessun commento:
Posta un commento
I commenti sono in moderazione e sono pubblicati prima possibile. Si prega di non inserire collegamenti attivi, altrimenti saranno eliminati. L'opinione dei lettori è l'anima dei blog e ringrazio tutti per la partecipazione. Vi ricordo, prima di lasciare qualche commento, di leggere attentamente la privacy policy. Ricordatevi che lasciando un commento nel modulo, il vostro username resterà inserito nella pagina web e sarà cliccabile, inoltre potrà portare al vostro profilo a seconda della impostazione che si è scelta.